Galiza. Cargas policiais en Vigo contra antifascistas que protestaban ante o mitin de Vox

En castellano

Este xoves realizábase o primeiro acto de Vox en Vigo, coa presenza de Abascal. Para iso organizouse un enorme dispositivo policial, con decenas de policías rodeando o auditorio Mar de Vigo e as súas inmediacións, realizando identificacións “aleatorias” ás persoas que se achegaban pola zona e desaloxando ás que alí estaban.

En protesta ante a presenza do líder da ultradereita española, máis de 100 antifascistas concentráronse preto do auditorio coreando lemas como “Vigo será a tumba do fascismo”, “ Vos, fascistas, sodes vos terroristas” ou “Galiza con Catalunya”. Todo iso mentres eran provocados polos nacionalistas españois que aínda estaban a entrar ao recinto.

A policía deixou un minúsculo espazo para a concentración antifascista, relegados a estar entre dúas paredes e valados pola fronte, como podemos ver nas imaxes, toda unha “ratonera” como alegaba un dos asistentes. Todo isto mentres unha pésima concentración (3 persoas) a favor do mantemento da comisaría de Redondela gozaba dun maior espazo e do favor dos corpos policiais.

Debido a esta situación e tras case dúas horas de concentración, a policía empezou a armarse con equipo antidisturbios, poñendo como escusa que lles “tiraban algo dende a manifestación”, polo que consideraban motivo suficiente para disolvela pola forza.

É nese momento cando a policía nacional, xa preparada, empezou a cargar contra os mozos e mozas usando porras, pelotas de goma e vehículos policiais cos que ameazaban con atropelalos, igual que en Catalunya ou outras cidades.

ALERTA: Represión a antifascistas cando voltaban a casa despois da protesta contra a presencia de Vox en Vigo!! pic.twitter.com/OFpfRF1Zg6

— Contracorrentegaliza (@Contracorrenteg) October 24, 2019

Mozos e mozas correndo das cargas e das pelotas de goma da policía, cada vez chegan mais imaxes da represión en Vigo. pic.twitter.com/hXkRtNoTyG

— Contracorrentegaliza (@Contracorrenteg) October 24, 2019

En Vigo literalmente unos imbéciles con la badera de españa insultaron a un grupo de chavales de la manifestación antifascista. Después un coche antidisturbios pasó por el lado, saludó al de la bandera y allá fueron a por los chavales! #SpanishIsAFascistState #AntiFascista pic.twitter.com/1gCZL0HkRG

— Uxi (@uxiall) October 24, 2019

A xornada represiva saldouse con varios feridos leves e polo menos unha persoa detida, á que acusan de alteración da orde pública. Desde Izquierda Diario queremos mostrar todo o noso repudio á represión estatal, o noso apoio á persoa detida e a todos aqueles con os que compartimos a loita contra a represión e a ultradereita xenófoba que representa o partido de Abascal.